- Þjónusta
- Vörur
- Vinnustaðurinn
- Um okkur
- Vottanir
Spilliefni og raftæki
Meginstarfsemi Terra Efnaeyðingar
Terra Efnaeyðing sérhæfir sig í flutningi, meðhöndlun og frágangi á spilliefnum og raftækjum til endurnýtingar, endurvinnslu eða eyðingar. Fyrirtækið vinnur skv. reglum gæðastjórnunarstaðalsins ISO 9001 og umhverfisstjórnunarstaðalsins 14001 og er eini sérhæfði aðilinn í móttöku spilliefna á Íslandi.
Terra Efnaeyðing er staðsett í Berghellu 1, 221 Hafnarfirði en sinnir söfnun á spilliefnum og raftækjum um land allt. Hægt er að senda fyrirspurnir á efnaeyding@terra.is og síminn er 559 2200
Fastir viðskiptavinir geta nýtt sér pöntunarform á vefnum til að færa inn beiðnir um losanir á ílátum, sjá hnapp hér að ofan.
Skoða gjaldskráSkoða starfsleyfi
Gjaldskrá var síðast hækkuð þann 1. janúar 2024
Þjónusta í boði
Auk móttöku á spilliefnum og raftækjum sinnir Terra Efnaeyðing margvíslegri annarri þjónustu s.s. söfnunarþjónustu (losun íláta), skjalaeyðingu, söfnun matarolíu, vöruförgun, sölu og/eða leigu sérhæfðra íláta og ráðgjöf um spilliefni
Vöruförgun
Terra Efnaeyðing tekur að sér að farga vörum sem einhverra hluta vegna mega ekki fara í eða taka þarf úr sölu, t.d. vegna galla eða vegna þess að endingartími vörunnar er liðinn.Hér getur t.d. verið um að ræða mat- og drykkjarvöru.
Sé þess óskað er gefið út vottorð um eyðinguna.
Senda fyrirspurn um þessa þjónustu
Söfnun á matarolíu
Terra Efnaeyðing hefur með höndum söfnun á matarolíu (steikingarolíu). Olíunni er eðli máls samkvæmt aðallega safnað hjá veitingastöðum, mötuneytum og matvælaframleiðendum sem nota hana til djúpsteikingar.
Olían er send til endurvinnslu og er unnin úr henni lífdísilolía sem notuð er sem eldsneyti á ýmis tæki.
Ráðgjöf um spilliefni
Starfsfólk Terra Efnaeyðingar hefur sérþekkingu á flokkun spilliefna, eiginleikum þeirra og hvaða hætta fylgir hverjum efnaflokki. Einnig á reglum um merkingar, flutninga, söfnun og geymslu. Í tilvikum þar sem reynir á dýpri skilning á efnafræði en gengur og gerist hefur Terra Efnaeyðing yfir slíkri þekkingu að ráða. Terra Efnaeyðing veitir m.a. ráðgjöf um heppileg söfnunar- og geymsluílát og hefur slík ílát á boðstólum.
Söfnunarþjónusta
Terra Efnaeyðing býður upp á alhliða söfnunarþjónustu spilliefna. Terra Efnaeyðing útvegar heppileg ílát, hvort sem um er að ræða spilliefni, raftæki, trúnaðarskjöl, matarolíu, málma, veiðarfæri eða önnur endurvinnsluefni.
Við komum svo og sækjum ílátið þegar það er orðið fullt, oftast innan tveggja sólarhringa frá því að óskað var eftir losun.
Að öllu jöfnu er komið með skiptiílát í staðinn, nema þess sé ekki óskað. Terra Efnaeyðing hefur tekið upp pöntunarform á vefnum þar sem viðskiptavinir geta fært inn beiðnir um losun.
Eyðing trúnaðargagna
Terra Efnaeyðing býður upp á sérhæfða, ábyrga og umhverfisvæna þjónustu við eyðingu á trúnaðarupplýsingum, hvort sem þær er að finna á pappír, filmum eða hörðum miðlum (diskum). Filmur og diskar eru tættir fyrir förgun. Trúnaðarskjöl eru einnig tætt en pappír fer síðan í endurvinnslu.
Við byggjum á 20 ára reynslu og vinnum samkvæmt vottuðum verkferlum undir gæðakerfunum ISO-9001 og EN-15713.
Ef viðskiptavinir óska þess er þeim velkomið að vera viðstaddir eyðingu gagna og þarf þá að panta tíma hjá starfsfólki Terra Efnaeyðingar í síma 559-2200 eða í tölvupósti efnaeyding@terra.is . Rík áhersla er lögð á fullkomið öryggi og trúnað gagnvart viðskiptavinum.
Móttaka raftækja
Terra Efnaeyðing hefur annast söfnun á raftækjum um langt árabil og bæði sótt og tekið við þeim frá söfnunarstöðvum sveitarfélaga og fyrirtækjum um land allt.
Þessi málaflokkur fór í nýjan farveg í ársbyrjun 2009 með breytingu á lögum um meðferð úrgangs. Samfara þessum breytingum hefur umfang þessarar starfsemi aukist hjá Terra Efnaeyðing . Terra Efnaeyðing leggur mikla áherslu á rétta meðhöndlun raftækja.
Vöruúrval
Erum með mikið úrval af vörum sem koma að góðum notum við söfnun á spilliefnum, raftækjum og sóttmenguðum úrgangi.
Trúnaðarskjalatunna
Læst tunna undir skjöl til eyðingar. Terra Efnaeyðing býður upp á sérhæfða, ábyrga og umhverfisvæna þjónustu við eyðingu á trúnaðarupplýsingum, hvort sem þær er að finna á pappír, filmum eða hörðum miðlum (diskum). Filmur og diskar eru tættir fyrir förgun.
Algengasta stærð er 120 l:
Breidd: 48 cm - Hæð: 93.5 cm - Dýpt: 56 cm
Möguleiki er á fleiri stærðum af tunnum:
140, 240, 360 og 660 lítra.
Raftækjatunna
Terra Efnaeyðing býður upp á örugga förgun og endurvinnslu spilliefna, raftækja og endurvinnsluefna sem til falla á skrifstofum. Við útvegum ílát og sækjum!
Í raftækjatunnuna má m.a. setja rafhlöður, lítil raftæki, prenthylki og málma.
Algengasta stærð er 120 lítra:
Breidd: 48 cm - Hæð: 93.5 cm - Dýpt: 56 cm
Möguleiki er á fleiri stærðum af tunnum:
140, 240, 360 og 660 lítra.
Spilliefnakar 380 eða 660 ltr
380ltr eða 660ltr spilliefnakar fyrir spilliefni.
380 ltr spilliefnakar fyrir spilliefni
Breidd: 75 cm - Hæð: 75 cm - Lengd: 95 cm
660ltr spilliefnakar fyrir spilliefni
Breidd: 103 cm - Hæð: 75 cm - Lengd: 123 cm
Spilliefnakar 1000 ltr
1000 lítra spilliefnakar fyrir spilliefni.
Breidd: 118 cm
Hæð: 89 cm
Lengd: 147 cm
Hjólakar undir sóttmengaðan úrgang 660 ltr
660l plastkar undir sóttmengaðan úrgang.
Breidd: 125.5 cm - Hæð: 121.8 cm - Dýpt: 77.3 cm
Pokar undir sóttmengað
Pokar undir sóttmengaðan úrgang til brennslu fást í tveimur stærðum.
Minni pokar (50 stk. í búnti):
85cm * 50cm
Stærri pokar (25 stk. í búnti):
120cm * 73cm
Tunnur undir sóttmengaðan úrgang
Tunnur undir sóttmengað eru seldar með álímanlegu loki sem eykur öryggi við meðhöndlun sóttmengaðs úrgangs.
Þær eru til í tveimur stærðum, 30 og 60 lítra.
Nálabox
Nálabox eru notuð til að safna sprautunálum og öðrum eggbeittum áhöldum og hlutum sem eru sóttmenguð.
Þau fást í tveimur stærðum, 2ja og 4ra lítra.
Flokkar raftækja
Efnaeyðing flokkar raftæki í fimm flokka eftir mismunandi meðhöndlun sem þau krefjast.
Kælitæki
Tækin eru send til meðhöndlunar og endurvinnslu í Danmörku og Svíþjóð þar sem málmur og plast eru aðskilin frá einangruninni. Málmurinn og plastið fara í endurvinnslu en kælimiðlinum og einangruninni er eytt með brennslu.
Skjáir
Sjónvarps- og tölvuskjáir eru sendir til endurvinnslu í Svíþjóð.
Túbuskjáir fara í sérstakan farveg þar sem fosfór er fjarlægur og blýmengaðir hlutar aðgreindir og settir í sérstaka meðhöndlun. Aðrir hlutar túbuskjásins, aðallega járn, ál, kopar og móðurborð, fara í endurvinnslu,. Flatskjáir fara í annan farveg þar sem kvikasilfur er fjarlægt en aðrir hluta skjásins fara í endurvinnslu.
Ljósaperur
Ljósaperum er safnað sérstaklega vegna þess að flúorperur, halógenperur og sparperur innihalda spilliefnin flúor og kvikasilfur sem þarf að fanga til að þau komist ekki í jarðveg.
Þessi flokkur er meðhöndlaður innanlands þannig að perurnar eru muldar og flúorryk og kvikasilfur aðskilið frá glermulningnum. Glermulningurinn fer til landfyllingar en spilliefnin í eyðingu erlendis.
Reglur
Löggjöf um spilliefni var fyrst samþykkt á Alþingi árið 1996 og er markmið laganna að koma í veg fyrir mengun af völdum spilliefna á landi, í vatni eða í sjó, með því að skapa hagræn skilyrði fyrir söfnun, meðhöndlun og viðunandi endurnýtingu eða eyðingu þeirra. Lög þessi voru síðar endurskoðuð og gildissvið þeirra breikkað og heita nú lög um úrvinnslugjald nr. 162/2002.
Samkvæmt lögunum er svokallað úrvinnslugjald lagt á vörur sem innihalda efni sem geta verið skaðleg umhverfi eða mönnum. Gjaldið rennur í Úrvinnslusjóð og er ætlað til að greiða fyrir söfnun spilliefna og rétta meðhöndlun þar til bærra aðila á þeim.
Gjöld....
Flest spilliefni bera úrvinnslugjald sem leggst á þau við innflutning eða við framleiðslu innanlands. Þannig verður úrvinnslugjaldið hluti af verði þeirra vara sem innihalda spilliefnin. Þess vegna geta handhafar spilliefna (úrgangshafar) skilað þeim sér að kostnaðarlausu á söfnunarstöðvar sveitarfélaga eða beint inn á móttökustöðvar þjónustuaðila spilliefna.
Nokkur tilvik eru um spilliefni sem ekki bera úrvinnslugjald og leggja þjónustuaðilar spilliefna (eins og Terra Efnaeyðing ) á eigin móttökugjöld í þeim tilvikum. Slík móttökugjöld eru nær eingöngu greidd af sveitarfélögum vegna skila þeirra á spilliefnum til Terra Efnaeyðingar eða af fyrirtækjum sem vegna starfsemi sinnar höndla með slík efni.
