Met slegið í plokki

Eilza Reid, forsetafrú og Guðni Th. Jóhannesson, forseti Íslands, létu ekki sitt eftir liggja.

Tæp fjögur tonn (3760 kg) af rusli söfnuðust í gáma Terra á höfuðborgarsvæðinu. Aldrei áður hafa plokkarar verið jafn öflugir. Gera má ráð fyrir því að heildarmagn sem tínt var til um allt land sé mun meira; sveitarfélög sóttu stóra hauga af rusli, félög, fyrirtæki og einstaklingar komu miklu magni af rusli til skila. Sérfræðingar meðal plokkara áætla að jafnvel 10 til 15 tonn af rusli hafi verið plokkað og safnað saman síðast liðinn laugardag, 25. apríl, Dag umhverfisins. 

Terra þakkar plokkurum, Krónunni og Sorpu fyrir gott samstarf og öllum þeim sem lögðu hönd á plóg til þess að gera þetta að stærsta plokkdegi sögunnar.  Til hamingju allir plokkarar!

Skiljum ekkert eftir.